Myrseth har ansvaret for å utforme ein framtidsretta næringslivspolitikk. Ho vil i sitt hovudinnlegg sette den norske mineralstrategien inn i ein internasjonal kontekst, og peike på viktige vegval.

Kjernefysikar, samfunnsdebattant, rosanerd og formidlar med evne til å gjere komplekse tema både forståelege og engasjerande. Sunniva skal leie oss gjennom konferansen og sikre ei god ramme for samtalane.

Tomasgard er 2. nestleiar i LO og har ansvar for næringspolitikk. Han har også ei koordinerande rolle i LO innan digitalisering, klima, miljø og sirkulærøkonomi, energi og beredskap.

Karen Hanghøj er geolog med omfattande erfaring innan forsking, innovasjonsleiing og mineral- og metallindustrien. Karen er oppteken av å forstå kompleksiteten i ressursforvaltning, av miljømessig og sosial berekraft, og av rolla geofaga spelar i å finne løysingar på samfunnsutfordringar.

Karen har ein doktorgrad i geologi frå University of Copenhagen og har arbeidd med forsking på geologiske prosessar i den nedre jordskorpa og mantelen, og dei tilhøyrande mineralførekomstane, før ho gjekk inn i leiande stillingar i forskings- og innovasjonsmiljø. Ho er medlem av ei rekkje internasjonale komitear og arbeidsgrupper.

Georg E. Riekeles er assisterande direktør i European Policy Centre (EPC), ein uavhengig Brussel-basert tankesmie.

Han har 18 års erfaring frå kjernen av EUs politikkutforming. Før han byrja i EPC, tilbrakte han elleve år i EU-kommisjonen, dei fem siste som diplomatisk rådgivar med ansvar for strategi og interinstitusjonelle relasjonar i Brexit-forhandlingane mellom EU og Storbritannia.

Før det arbeidde han i det interne policy planning-teamet til kommisjonspresidenten, som medlem av kabinettet til EUs kommissær for det indre marknaden, og i fransk embetsverk. Forskinga hans omfattar dagens geopolitiske og økonomiske omveltingar, EUs indre marknad, energi- og handelspolitikk, samt tryggleiks- og forsvarsspørsmål.

Olsen har dei siste fire åra vore politisk rådgjevar i NHO Vestland, men er no konstituert regiondirektør. Han har bakgrunn som politisk rådgjevar for både Utenriksdepartementet og byrådet i Bergen. Han har også vore fylkessekretær i KrF.
Olsen er oppteken av å sikre gode prosessar i norsk mineralproduksjon. Les hans tankar om dette i denne artikkelen.

Hanne Markussen Eek er fjerde generasjon eigar i familieeigd kalkvirksomhet. Har jobba 32 år med mineral og 20 år i selskapet. 

Markussen Eek har vore konsernsjef sidan februar 2020. Ho har styreverv i fleire selskap internt i konsernet og eksternt. 

Markussen Eek var styreleiar i Norsk Bergindustri frå 2008-2015, sit i styret i NHO Trøndelag og Eierforum i NHO. Har stort engasjement for norsk mineralindustri og stort fokus på norsk eigarskap slik at vi sikrar 
at mest mogleg av verdiskapinga blir i og tilfell Noreg. Dette krev kompetente politikarar som bidrar til å utvikle langsiktige mineralkommunar. 

Christina Bu har vore ein leiande forkjempar for elbilsatsinga i Noreg i over eit tiår. I 2024 blei ho anerkjent av TIME Magazine som ein av dei hundre mest innflytelsesrike klimaleiarane i verda.

Bård Bergfald er dagleg leiar i Bergfald Miljørådgivere. Han har ei brei kontaktflate mot miljøvernorganisasjonar, politikarar, industri og andre sentrale aktørar, og særleg god kompetanse innan miljøgifter, kjemisk industri og avfallshandtering.

Bård etablerte selskapet i 1993. Han har tidlegare arbeidd i Miljøstiftelsen Bellona, hovudsakleg med industriell forureining. I tillegg har han organisasjonserfaring frå Natur og Ungdom, NNV, PF og Forsvaret.

Håkon Myrvang var ordførar i tidlegare Naustdal kommune i perioden fram til etablering av Nordic Mining si gruve på Engebø. Han kjenner alle detaljane i prosessen, frå kommunal godkjenning av gruveplanane, arbeid med kommunedelplan, offentleg debatt, demonstrasjonar og politiske gjennomslag. 

Myrvang er i dag varaordførar i Sunnfjord kommune, medlem av kommunestyret og formannskapet.

Øyvind Bang-Olsen var rådmann i tidlegare Naustdal kommune i perioden fram til etablering av Nordic Mining si gruve på Engebø. Han kan vise til viktig erfaring med m.a. kommunal planprosess, kommunedelplan, samspel med sentrale myndigheiter, offentleg debatt og demonstrasjonar.  Møt Bang-Olsen på konferansen.  

Fossum er ein erfaren rådgjevar i gruve- og metallindustrien og ein nestor i mineralnæringa. Han var sentral i etableringa av Nordic Mining og mineralanlegget på Engebø i Sunnfjord, der han var CEO frå 2006 til 2025.

Bård Ludvig Thorheim er stortingsrepresentant for Høyre frå Nordland og medlem av Næringskomiteen. Han er talsmann for eit raskare tempo i mineralutvinning i Noreg og for at gruvedrift bør utviklast som grøn industri. Han er uroa over Kinas posisjon og vil ha ei sterkare sjølvforsyning av råmateriale.

Møt han på Mineralkonferansen 2026.

Bjarte Rambjør Heide leiar Direktoratet for mineralforvaltning med Bergmesteren for Svalbard (DMF). DMF er fagorgan og sektormyndigheit for mineralressursar og mineralverksemd, organisert under Nærings- og fiskeridepartementet. DMF skal bidra til auka verdiskaping gjennom å legge til rette for ein langsiktig ressurstilgang basert på ei forsvarleg og berekraftig utvinning og bearbeiding av mineralar i Noreg.

Sveinung Rotevatn er dagleg leiar i Bellona Norge. Han er utdanna jurist frå Universitetet i Bergen. Sveinung har brei erfaring frå politisk arbeid, og har mellom anna vore stortingsrepresentant i to periodar, statssekretær i både Justis- og beredskapsdepartementet og Klima- og miljødepartementet, og klima- og miljøminister i perioden 2020–2021.

Anna G. Sveinsdóttir har ein Ph.D. i geografi frå University of Denver.

Hennar forsking fokuserer på samspelet mellom menneske, natur og samfunn, med særleg
vekt på naturressursar og deira betydning for samfunnet. Ho har undersøkt
interesse- og arealkonfliktar i det grøne skiftet, samt rettferdige planprosessar og
samfunnsansvar i mineralsektoren, både i Norge, USA og Latin-Amerika.

Sveinsdóttir har omfattande erfaring med internasjonale forskingsprosjekt,
inkludert arbeid relatert til kritiske mineral og energiomstillingar. For tida leiar ho prosjektet «Urgency and pressures in critical mineral extraction – Potentials and
pitfalls for just mining in Norway» (2025-2028), og ho har vore aktiv i fleire
prosjekt finansiert av Norges forskningsråd og EU Horizon 2020.

Ho har tidlegare hatt stillingar som seniorforskar ved Nordlandsforskning
(2021–2025) og postdoktor ved University of Illinois i USA (2019-2021). For tida er
ho forskar ved Ruralis – institutt for rural- og regionalforskning – samtidig som ho opprettheld ei bistilling ved Nordlandsforskning.

Frida er grunnleggjar og administrerande direktør i The Coring Company. Ho har bakgrunn innan geoteknisk ingeniørfag, som ho studerte ved University of Oxford og University College London.

Frida starta selskapet med utgangspunkt i industrielle utfordringar ho avdekte gjennom doktorgradsforskinga si.

Gaute Hagerup er ein erfaren innovasjonsleiar med solid bakgrunn frå internasjonal handel og utvikling. Han har lang røynsle med produktleiing og strategisk utviklingsarbeid, og har ein Master of Arts (M.A.) i organisasjonsstudium frå University of Warwick – Warwick Business School.

Kompetanseområda omfattar Vekst og Skalering, europeiske spørsmål, forretningsutvikling og berekraftig byutvikling.

Kenneth Nakken Angedal har vore tilknytta Engebør Rutile and Garnet / Nordic Mining sidan 2018 – først som prosjektleiar, så som dagleg leiar. No er han over i ei spesialstilling i selskapet.

Pål Runde er utdanna innen materialfysikk frå Universitetet i Trondheim og har over 20 års erfaring frå prosessutvikling og materialteknologi i internasjonale industriselskap som Saint-Gobain, Elkem og Alcoa. I Eyde-klyngen har han særleg fokus på bedre utnytting av industrielle sidestrømmar, gjenvinning av kritiske råmateriale og utvikling av sirkulære verdikjedar.

Alf Reistad er administrerande direktør i Rare Earths Norway (REN), selskapet som utviklar den store førekomsten av sjeldne jordartar på Fensfeltet i Nome, Telemark. Under hans leiing har REN etablert seg som ein nøkkelaktør i europeisk mineralstrategi, med eit prosjekt som blir omtalt som den største kjende førekomsten av sjeldne jordartar i Europa.

Reistad har lang erfaring frå norsk næringsliv og leiing av teknologitunge verksemder. I REN arbeider han for å byggje ein berekraftig og konkurransedyktig verdikjede for kritiske mineral i Noreg, frå kartlegging og utvinning til vidareforedling og industriell bruk. Han er ein tydeleg stemme i debatten om råstofftryggleik, geopolitikk og korleis Europa kan redusere avhengigheita av importerte kritiske mineral.